Paytaxtın Binəqədi rayonu və digər ərazilərindəki 20-dən çox binadan oğurluq edən şəxs həbs edilib. Bu barədə aprelin 6-da Report Daxili İşlər Nazirliyinə istinadən məlumat verib.
Əvvəllər məhkum olunmuş Soltan Rzayev binalardan lift naqillərini kəsərək oğurlayıb. Daha sonra isə onları müxtəlif metal qəbulu məntəqələrinə satıb.
Saxlanılan şəxs barədə həbs qətimkan tədbiri seçilib.
Onun əməllərindən digər zərərçəkənlər varsa, ərazi polis orqanlarına, "102" Xidməti-Zəng Mərkəzinə və Nazirliyin rəsmi səhifələrinə məlumat verə bilərlər.
