Hövsanda azyaşlını vurub qaçan moped sürücüsü tutulub. Bu barədə İnsanoid DİN-ə istinadən bu gün, 24 iyul tarixində xəbər verir.
Bir müddət əvvəl Suraxanı rayonunun Hövsan qəsəbəsi, Rüfət Abdullayev küçəsində naməlum şəxs idarə etdiyi mopedlə yolu keçən azyaşlı qızı vurub.
Hadisədən sonra mopedin sürücüsü uşağa heç bir yardım göstərmədən hadisə yerindən uzaqlaşıb. Qəzada ağır xəsarət alan azyaşlının həyatı tibbi müdaxilədən sonra xilas edilib.
Qəzanı törədən mopedin sürücüsü, əvvəllər məhkum olunmuş Aydın Mahmudov saxlanılaraq istintaqa təqdim edilib. O, ifadəsində kuryer şirkətlərindən birində işlədiyini və qəzadan sonra polisdən yayınmaq məqsədilə idarə etdiyi mopedi satdığını bildirib.
Faktla bağlı cinayət işi başlanılıb, istintaq tədbirləri davam etdirilir.
[caption id="attachment_123128" align="alignnone" width="696"]
Foto DİN[/caption]
