Balakəndə ova gedən qonşulardan qanunsuz odlu silahlar götürülüb. Bu barədə 6 yanvar tarixində Daxili İşlər Nazirliyindən (DİN) məlumat verilib.
Belə ki, polis əməkdaşları rayonun Qazma kəndində çöllük ərazidə dayanan “VAZ-21011” markalı avtomobilə yaxınlaşıblar. Sürücü və sərnişinlərin hərəkətləri şübhə doğurduğu üçün həmin şəxslər polis şöbəsinə gətiriliblər.
Keçirilən baxış zamanı müvafiq sənədləri olmayan üç ədəd “BUM” və “İJ” markalı ov tüfəngləri və patronlar aşkarlanıb. Onlar ifadələrində birlikdə ova getdiklərini etiraf ediblər.
DİN-in əməkdaşlarının keçirdikləri əməliyyat nəticəsində yanvarın 5-də ölkənin ayrı-ayrı rayonlarında qanunsuz saxlanılan 3 ov tüfəngi götürülüb.
Faktlar ilə bağlı araşdırmalar aparılır.
