Balakən rayonunda narkotiklərin qanunsuz dövriyyəsi ilə məşğul olan 2 şəxs saxlanılıb. Bu barədə DİN sentyabrın 13-də məlumat verib.
Rayonun Gərəkli kənd sakini Elşad Mustafayev “Mercedes Vito” markalı avtomobili idarə edərkən saxlanılıb. Baxış zamanı ondan bükümlərdə 7 qram, avtomobilindən isə 144 qram heroin aşkar edilib. Araşdırma zamanı onun narkotik vasitəni satış məqsədilə daşıdığı məlum olub. Mustafayev əvvələr də analoji cinayət əməlinə görə məhkum edilib.
Keçirilən digər bir əməliyyat zamanı Mahamalar kənd sakini İlkin Paraşov tutulub. Ondan da heroin aşkar olunaraq götürülüb.
Faktlarla bağlı cinayət işi başlanılıb.
DİN-in məlumatına əsasən, cari ilin avqust ayının 1-dən 1 sentyabr tarixinə qədər 155 kiloqram heroin dövriyyədən çıxarılıb.
