Balakəndə ikisi yeniyetmə olmaqla üç nəfər qidadan zəhərlənib. Bu barədə 23 iyul tarixində APA məlumat verib.
Günorta saatlarında rayonun Hənifə kənd sakini, 2005-ci il təvəllüdlü Məhluqə İsmət qızı Moquşova zəhərlənmə əlamətləri ilə Balakən Rayon Mərkəzi Xəstəxanasına müraciət edib.
Müayinə zamanı M.Moquşuvanın balıq yedikdən sonra zəhərləndiyi məlum olub.
Həmçinin Xalatala kənd sakinləri, 2008-ci il təvəllüdlü Elnurə Elnur qızı Yekayeva və 2009-cu il təvəllüdlü Bənövşə Elxan qızı Nurtalayeva da zəhərlənmə əlamətləri ilə Balakən RMX-yə müraciət ediblər.
Yeniyetmə qızların tort yedikdən sonra zəhərləndikləri məlum olub. Onların vəziyyətləri stabilləşdiyi üçün evə buraxılıblar.
