"Los Anceles Leykers"in üzvü Lebron Ceyms Milli Basketbol Assosiasiyası (NBA) tarixində meydanda keçirdiyi dəqiqələrin sayına görə rekorda imza atıb.
İnsanoid.com xəbər verir ki, bununla da Kərim Abdul-Cabbarın rekordunu yeniləyib.
39 yaşlı basketbolçu bu uğura "Sakramento"ya qarşı oyun zamanı nail olub. Belə ki, NBA-da 22-ci mövsümünü keçirən L.Ceyms 1 517 oyuna çıxıb və ümumilikdə 57 447 dəqiqə meydanda olub.
Qeyd edək ki, Şöhrət Zalının üzvü və altıqat NBA çempionu olan Kərim Abdul-Cabbar 20 mövsüm ərzində 1 560 oyunda meydanda 57 446 dəqiqə keçirib.
