Böyük Çin səddini dağıdan şəxslər saxlanılıblar. Bu barədə Report 5 sentyabr tarixində xəbər verib.
Böyük Çin Səddinin bir hissəsindən keçidi genişləndirmək üçün ekskavatordan istifadə edən kişi və qadın saxlanılıblar.
Genişlənmə Min sülaləsi (1368-1644) dövründə tikilmiş divarın bir hissəsinin təmir oluna bilməyəcək şəkildə dağıdılması ilə nəticələnib. Məlumata görə, polis ekskavatoru Daxili Monqolustan Muxtar Bölgəsinin Horinqqar mahalına aparan izlərlə aşkarlayıb və orada iki şübhəlini saxlayıb.
Onlar mədəni irsin dağıdılmasında ittiham olunublar.
Böyük Çin Səddi YUNESKO-nun Ümumdünya İrs Siyahısına daxil edilib və dünyanın ən böyük memarlıq abidəsidir.
