Rusiyanın Nijnevartovsk şəhərində it bir həftədir sahibini iş mərkəzinin qarşısında gözləyir.
İnsanoid.com Rusiya mətbuatına istinadən xəbər verir ki, Nijnevartovskda boynunda xaltası olan “spaniel” cinsinə məxsus it artıq yeddi gündür sahibini gözləyir, iş mərkəzindən çıxan insanların üzlərinə baxır və gecələri girişin qarşısındakı soyuq daş üzərində keçirir.
Yerli sakinlər düşünür ki, Bublikin (iti belə adlandırıblar) sahibi ilə nəsə baş verib. Ya da iti tərk ediblər.
Bublik müvəqqəti saxlama yerinə göndəriləcək və sahibinin taleyi haqqında məlumat əldə etməyə çalışacaqlar.
