Aprelin 7-də Aqrar Kredit və İnkişaf Agentliyi (AKİA) tərəfindən payızlıq əkinlərə görə 6 424 fermerə ümumilikdə 12 milyon 195 min manat subsidiya ödənişi həyata keçirilib. Bu barədə 7 aprel tarixində Kənd Təsərrüfatı Nazirliyinin rəsmi səhifəsində məlumat verilib.
Məlumata əsasən, subsidiyalar 59 709 hektar əkin sahəsini əhatə edir. Qeyd edilib ki, 2021/2022-ci illər üçün ümumilikdə 768 520 hektar əkin sahəsi üzrə 235 min nəfərdən çox fermerə payızlıq əkin subsidiyası ödənilib. Ödənişin ümumi miqdarı 151 milyon 700 min manatdan çoxdur.
Qeyd edək ki, subsidiyalar “Fermer kartı”na köçürülür. Fermerlər vəsaitin 25%-ni bankomatlar vasitəsilə nağdlaşdıra, 75%-ni isə qeyri-nağd şəkildə gübrə, pestisid, herbisid, toxum və digər kənd təsərrüfatı istehsal vasitələri almaq üçün sərf edə bilərlər.
