Bu gün məhərrəm ayının 10-u, İmam Hüseynin şəhadət günü - Aşuradır.
Hicri-qəməri təqvimi ilə məhərrəm ayının 10-u 61-ci (miladi təqvimilə 680) ildə Neynəva səhrasında İmam Hüseyn və onun 72 tərəfdarı Yezid ibn Müaviyə tərəfindən şəhid edilib, İmamın ailəsi isə əsir götürülüb. Daha sonra şəhid olanların başları nizələrin üstündə İraqın müxtəlif şəhərlərinə aparılıb. Bu, əhalinin bundan ibrət alması və xəlifəyə qarşı qiyam qaldırmaması məqsədilə edilirdi.
İmam Hüseynin öldürüldüyü həmin gün o vaxtdan etibarən dünya müsəlmanları tərəfindən Aşura günü kimi qeyd edilir. Hər il məhərrəm ayı fərqli günlərə təsadüf edir və 40 gün yas saxlanılır.
