Bu ilin yanvar-noyabr ayları ərzində qeydə alınan cinayətlər arasında oğurluq hadisələri 542 fakt azalıb. Bu barədə Daxili İşlər Nazirliyinin polis mayoru Elşad Hacıyev dekabrın 7-də Report-a bildirib.
Xüsusi əmlak üzrə oğurluqlar 518, cibgirlik 47, mobil telefon oğurluğu 157, mənzil və şəxsi evlərdən oğurluqlar üzrə 283 fakt azalıb.
"Bu, ötən illə müqayisədə cinayətlərin ümumi indeksində yaxşıya doğru müsbət dinamikadır. Ölkəmizdə həyata keçirilən hüquq-mühafizə tədbirləri nəticəsiz qalmayıb", - deyə Elşad Hacıyev vurğulayıb.
Həmçinin əlavə edilib ki, eyni dövr ərzində ölkədə adamların girov götürülməsi faktı qeydə alınmayıb.
