Bu il “Ümumrespublika Yaşıllaşdırma Marafonu” (“Yaşıl Marafon”) çərçivəsində 3 milyon ağacın əkilməsi nəzərdə tutulub. APA-nın aprelin 12-də yaydığı xəbərə görə, bunu ekologiya və təbii sərvətlər nazirinin müavini Firdovsi Əliyev deyib.
Onun sözlərinə əsasən, yaz əkin mövsümündə 360 hektar ərazidə 660 minə yaxın ağac əkilib. Ən çox meşə cinsli tinglər əkilib. Prosesin aprel ayının sonuna kimi davam edəcəyi bildirilib.
Qurumun rəsmisi əlavə edib ki, ötən il əkilən tinglərin sayı 2 milyon təşkil edib: “Bu proses işğaldan azad olunan ərazilərdə də davam etdirilir”.
