Bu il məktəblərdə "Son zəng" tədbirlərinin keçirilib-keçirilməyəcəyinə aydınlıq gətirilib. Məsələ ilə əlaqədar aprelin 13-də Təhsil naziri Emin Əmrullayev açıqlama verib.
Report-un xəbərinə görə, qurumun rəhbəri bildirib ki, tədris ilinin başa çatmasına 2 aya yaxın vaxtın olduğu üçün bu barədə danışmaq hələ tezdir.
Onun sözlərinə əsasən, pandemiya ilə bağlı müşahidə olunan şərait davam etsə, tədbir ənənəvi qaydada keçirilə bilər.
Qeyd edək ki, 2020-ci ildə koronavirusa görə karantin rejimi davam etdiyindən bütün kütləvi tədbirlərin baş tutması qadağan idi. 2021-ci ildə isə "Son zəng”in müəyyən qaydalara əməl edilməklə təşkil edilməsinə icazə verilmişdir. Şərtlərə görə, şənlik açıq havada, 1 saat müddətində və məhdud sayda iştirakçılarla baş tuta bilərdi.
