Bugünə qədər 150-dən artıq qazi müalicə üçün Türkiyəyə göndərilib. Bunu dekabrın 8-də “YAŞAT” Fondunun rəhbəri Elvin Hüseynov deyib.
“Hazırda dünya tibbində icra olunan ən ağır əməliyyatlar Türkiyədə icra olunur və bu səbəbdən qazilərimiz oraya göndərilir”, - deyə fond rəhbəri bildirib.
Bundan əlavə, bu ilin 9 ayı ərzində Vətən müharibəsi iştirakçısı və şəhid ailəsi üzvü olan 7 993 şəxsə 109 443 tibbi xidmət göstərilib.
“YAŞAT” Fondunun nümayəndəsi Zaur Əliyev bildirib ki, hərbi qulluqçulara və şəhid ailələrinə psixoloji yardım göstərilir: “İlin əvvəlindən ölkənin 8 şəhər və rayonunda psixoloqlar regional fəaliyyətə başlayıb”.
Onun sözlərinə görə, psixoloqlar tərəfindən bu günədək 600-dən çox şəhid ailəsi üzvü, 1600-dən çox hərbçi və 300 terror qurbanına psixoloji yardım göstərilib.
