Cəlilabadda aramsız yağışlar səbəbindən kartof sahələrinin 40%-nə ziyan dəyib. Bu barədə 25 mart tarixində Report xəbər verib.
Belə ki, rayon ərazisindən keçən Mişarçayın daşması nəticəsində Muğan, Maşlıq və köhnə Ələt-Astara maqistral yolunun kənarlarında becərilmiş əkin sahələri su altında qalıb.
Cəlilabad Dövlət Aqrar İnkişaf Mərkəzinin Bitkiçilik sektorunun müdiri Mübariz Nadirovun sözlərinə görə, sahələrin sel suları altında qalması məhsuldarlığın 50% aşağı düşməsinə və satışların xeyli gecikməsinə getirib çıxaracaq.
Sözügedən rayonda 4 min hektara yaxın sahədə kartof əkilir.
