Cəlilabadda orta əsrlərə aid qəbiristanlıq aşkarlanıb. Bu barədə 16 avqust tarixində Mədəni İrsin Qorunması, İnkişafı və Bərpası üzrə Dövlət Xidməti məlumat yayıb.
Orta əsrlər dövrünə aid qəbiristanlıq rayonun Hacıismayıllı kəndi ərazisində aşkar edilib.
Ərazidə müxtəlif ölçülərdə və formada olan məzar daşlarının üzərində bir-birindən fərqli simvollar, işarələr mövcuddur. Bəzi məzar daşlarının üzərində ərəb qrafikalı əlifba ilə yazılan yazılara da rast gəlinir.
Ərazinin daşınmaz tarix-mədəniyyət abidələrinin reyestrinə daxil edilməsi üçün lazımi tədbirlər görüləcək.
[gallery link="file" columns="4" size="full" ids="125845,125846,125848,125847"]
