Cəlilabadda yay fəsli daxil olandan 15 nəfər günvurma ilə bağlı Cəlilabad Rayon Mərkəzi Xəstəxanasına müraciət edib. Bu barədə 11 avqust tarixində Report məlumat verib.
Onlardan 10-u kişi, 5-i isə qadın olub. Xəstələrə lazımi tibbi yardım göstərilib.
Bundan başqa, 4 nəfər əqrəb sancması və 5 nəfər isə ilan sancması ilə xəstəxanaya müraciət edib.
Sakinlərə günəş şüasının intensiv vaxtlarında, yəni 14:00-dan 16:00-dək gün altına çıxmamaları, yüngül geyimlərdən istifadə etmələri, bol meyvə-tərəvəzlər, sərin şirələr və maye qəbul etmələri tövsiyə olunur.
