Cari ilin ilk 3 ayı ərzində 34 605 şəxsə proaktiv qaydada sosial sığorta nömrəsi (SSN) verilməklə e-fərdi şəxsi hesab açılıb. Bu barədə 12 aprel tarixində Əmək və Əhalinin Sosial Müdafiəsi Nazirliyinin rəsmi səhifəsində məlumat verilib.
Məlumata əsasən, ilk dəfə işə başlayan şəxslərdə SSN avtomatik olaraq açılır. Bununla işçinin fərdi şəxsi hesabında gələcək sosial təminatı üçün pensiya kapitalı toplamasına imkan yaradılır.
Qeyd edək ki, xidmət 2 ildir, fəaliyyətə başlayıb. İndiyədək 399,3 min elektron fərdi şəxsi hesabın açılması təmin edilib.
