İcbari tibbi sığortaya 300 xidmətin əlavə edilməsi barədə aidiyyəti qurumlara təqdim edilib və hazırda baxılma mərhələsindədir. Bu barədə 8 dekabr tarixində İcbari Tibbi Sığorta üzrə Dövlət Agentliyinin Facebook səhifəsində "Tibbi sığorta saatı"nda Tibbi iddialar departamentinin koordinatoru Səbinə Quliyeva məlumat verib.
Onun sözlərinə görə, hazırda icbari tibbi sığorta zərfinə 2 550 sayda tibbi xidmət aiddir. Səbinə Quliyeva əlavə edib ki, vətəndaşlar hələ də xidmətlərdən necə yararlanacağı barədə məlumatlı deyillər.
“Bunun üçün vətəndaşlar ilk olaraq ailə həkimini seçməlidir. Özəl tibb müəssisələrinə göndərişlər olmadan xidmətlər zərfi çərçivəsində xidmətlərdən istifadə etmək mümkün deyil. Ambulator şəraitdə yazılan reseptlərdəki dərmanların qarşılanması hələ ki, xidmətlər zərfinə daxil deyil", - deyə o əlavə edib.
