Səudiyyə Ərəbistanının “Əl-Nəsr” klubunun portuqaliyalı hücumçusu Kriştiano Ronaldunun nişanlısı Corcina Rodrigezin üçüncü övladına hamilə olduğu iddia edilib.
Şayiələrin yaranmasına səbəb ispan jurnalist Alba Moralesin "Vaya Fama" verilişindəki açıqlaması olub.
Moralesin sözlərinə görə, evlilik təklifi 31 yaşlı Rodrigezin hamiləliyinə görə edilib.
40 yaşlı futbolçunun hazırda çıxış etdiyi “Əl-Nəsr” komandasının sahib olduğu Səudiyyə Ərəbistanında nikahdankənar uşaq sahibi olmaq qadağandır və buna görə də cütlük münasibətlərini qanuniləşdirməyə çalışır:
"Hakimiyyət onların subay həyatına çox uzun müddət göz yumdu. Əgər Corcina hamilə olarsa, bu, problem kimi görünəcək. Xüsusilə Ronaldo yenicə böyük məbləğə müqavilə imzaladığı halda".
Alba əlavə edib ki, onun insayderləri şayiələrin doğru ola biləcəyini təsdiqləyiblər.
Qeyd edək ki, Ronaldonun beş övladı var. Onlardan yalnız ikisi Corcinadandır: Alana Martina və əkiz qardaşını itirən Bella Esmeralda. Ronaldonun ən böyük varisi 13 yaşlı Kriştianu Jr.-dır. Futbolçu onun anasının kimliyini gizlədir. Əkizlər Mateo və Eva surroqat anadan dünyaya gəliblər.
Corcina və Ronaldo 2016-cı ildən münasibətdədirlər. Bir müddət əvvəl Ronaldo ona evlilik təklifi edib.
