2021-ci ilin oktyabr və noyabr ayları ərzində COVID-19-la mübarizə tədbirlərində iştirak edən tibb işçilərinə təxminən 8,9 milyon manatdan çox, qeyri-tibb işçilərinə isə 1,9 milyon manata yaxın pul ödənilib. Bu barədə 11 yanvarda Report İcbari Tibbi Sığorta üzrə Dövlət Agentliyinə istinadən məlumat verib.
Ödənişlər oktyabr ayı üzrə 10 075 nəfəri, noyabr ayı üzrə isə 2 149 nəfəri əhatə edib.
Əlavə olaraq özəl tibb müəssisələrində çalışan 2 nəfərə ümumi 4056 manat, 9 nəfər könüllüyə isə 2 250 manat ödənilib. Noyabr ayı üzrə müddətli əlavələrin ödənilməsi davam edir.
Qeyd edək ki, koronavirusla mübarizə tədbirlərində iştirak edən tibb işçilərinin əməkhaqlarına müddətli əlavələrin ödənilməsi 2022-ci il yanvarın 1-dək uzadılıb.
[gallery columns="1" size="full" ids="22333"]
