Dövlət Məşğulluq Agentliyi tərəfindən yaradılan www.cvyarat.az platformasında indiyədək 32 669 nəfər qeydiyyatdan keçib. Bu barədə 12 aprel tarixində Agentliyin rəsmi səhifəsində məlumat verilib.
Məlumata əsasən, cari il ərzində platformada 27 463 şəxs qeydiyyatdan keçib və 13 753 nəfər platforma üzərindən CV tərtib edib.
Qeyd edək ki, istifadəçilər www.cvyarat.az portalında qeydiyyatdan keçərək önəmli məlumatları əlavə edib CV-ni PDF formatında əldə edə bilirlər. Platformadan istifadə ödənişsizdir.
