Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən yaradılan CV yarat platformasında 5 206 vətəndaş qeydiyyatdan keçib. Bu barədə 11 yanvar tarixində Agentliyin rəsmi səhifəsində məlumat verilib.
Sözügedən platforma vasitəsilə 3 503 nəfər CV tərtib edib.
Qeyd edək ki, istifadəçilər www.cvyarat.az portalında qeydiyyatdan keçərək, anket formasında peşəkar CV üçün bütün önəmli məlumatları dolduraraq CV-ni PDF formatında əldə edə bilirlər.
