Bu il II ixtisas qrupu üzrə dövlət sifarişli 115, III ixtisas qrupu üzrə isə 97 yer artırılıb. Bu haqda Dövlət İmtahan Mərkəzinin Direktorlar Şurasının sədri Məleykə Abbaszadə məlumat verib.
II qrupda 200 baldan çox toplayan abituriyentlərin dövlət sifarişli yerlərə qəbul olma şansı var. III qrupda isə dövlət sifarişli yerlərə 420-430 baldan yuxarı nəticə göstərən şagirdlər qəbul ola bilərlər.
DİM-in sədri həmçinin bildirib ki, bu il III qrupda müsabiqə balları yüksək olacaq: “Bu il III qrupda 600 baldan yuxarı nəticə göstərənlər 617 nəfərdir. Keçən il isə 555 nəfər yalnız 600 baldan yuxarı nəticə göstərib”.
İndiyədək ixtisas seçimi ilə bağlı 26 203 ərizə təqdim olunub, onlardan 19 701-i təsdiqlənib.
