Sentyabr ayının 1-dən COVID-19 əleyhinə birinci doza peyvənd olunan şəxslər iri ticarət və ictimai iaşə obyektlərinə buraxılacaq. Bu haqda DİN-in İctimaiyyətlə əlaqələr şöbəsinin rəisi Elşad Hacıyev avqustun 23-də məlumat verib.
“Hər hansısa obyektə daxil olan şəxs ən azı birinci dozanı qəbul etməlidir. Oktyabrın 1-dən isə iki doza peyvəndi qəbul etməyən şəxslərin bu tip obyektlərə buraxılması qadağandır", - deyə polis mayoru qeyd edib.
O, həmçinin bildirib ki, vaksin vurdurmayan şəxs obyektə daxil olarsa, həmin vətəndaş deyil, obyekt sahibi cərimələnəcək.
