Narkotik istifadəçilərinin sayı statistikada göstəriləndən çoxdur. Bunu noyabrın 30-da DİN-in idarə rəisi İslam Hümbətov deyib.
Onun sözlərinə görə, narkomaniya cinayətkarlığın artmasına səbəb olur və bütövlükdə milli təhlükəsizliyə təhdiddir.
DİN rəsmisi qeyd edib ki, narkomaniyaya qarşı mübarizədə dövlət orqanları ilə bərabər cəmiyyət də aktiv iştirak etməlidir. Rayonlarda yaşayan gənclərin işlə təmin olunması, idman və digər sahələrin inkişaf etdirilməsi nəticəsində həmin gənclərin boş vaxtının qalmasının qarşısı alına bilər.
Təhsil müəssisələrində narkotiklə bağlı tibbi müəssisələrin təşkil edilməsini, təhsil alanların mütəmadi olaraq narkotikə qarşı tibbi müayinədən keçirilməsi təklif olunub. Bu üzrə hazırlanan qanun layihələri DİN tərəfindən Nazirlər Kabinetinə təqdim edilib.
Cari ilin 10 ayı ərzində bütün növ sərxoşluq hallarının müəyyənləşdirilməsi üçün Respublika Narkoloji Mərkəzinə 55 600 nəfər istiqamətləndirilib. Onlardan 2 193-nün narkotik istifadəçisi olması müəyyən edilib.
