Dünən, dekabrın 28-də şahmat üzrə Dünya Çempionatında şahmatın rapid yarışlarının növbəti dörd turu keçirilib.
Doqquz turdan sonra kişilərin yarışında ən yaxşı nəticə göstərən Şəhriyar Məmmədyarov 5,5 xalla 32-ci yerdə qərarlaşıb. Məhəmməd Muradlı 5 xalla 54-cü, Aydın Süleymanlı isə eyni xal yığaraq 69-cu yerdədir.
Qadınların yarışında isə 8 turdan sonra Gülnar Məmmədova 6 xal yığaraq 6-cı yerdədir. Xanım Balacayeva 5 xalla 23-cü, Türkan Məmmədyarova isə 4,5 xalla 28-ci yerdə qərarlaşıb.
Bugün turnirdə rapid yarışlarına yekun vurulacaq. Kişilərdə 4, qadınlarda isə 3 tur oynanılacaq. 29-30 dekabrda isə blits yarışları keçiriləcək.
