Toy iştirakçılarının sayına qoyulan məhdudiyyət aradan qaldırıldığı üçün şadlıq mərasimlərinin sayı artmaqdadır. Bəs xanımlar harada bəzənə bilər? İnsanoid gözəlliyinizə gözəllik qatacaq və xanımların razı qalacağı TOP-10 gözəllik salonlarını araşdırıb sizlərə təqdim edir:
Paytaxtda sərfəli qiymətləri təqdim edən salonlardan biri “Shafa Studio”dur (Shafag Novruz Beauty Home). Salonun Yasamal və Əhmədli filialları var. Burada gəlin bəzədilmə paketi 100 AZN təşkil edir. Həmin salonda fəaliyyət göstərən usta Ayan isə gəlinləri 300 AZN-ə bəzəyir. Qiymətə saç və makiyaj daxildir, gəlin tacı əlavə olaraq 40 manatdan başlayır.
“Beauty Academy By Anar Ağakişiyev”də usta Anar tərəfindən bəzənmək istəyən gəlinlər 1 400 AZN ödəniş etməlidirlər. Salondakı digər ustalar isə gəlini 400 AZN-ə bəzəyirlər. Xidmətə yalnız saç və makiyaj daxildir.
“Beauttech” gözəllik şəbəkələrində gəlinlik makiyajı və saç düzümü 300 AZN-ə başa gəlir. Saç kəsiminin qiyməti 20-30 AZN arası, manikür şellakın qiyməti isə 30-35 AZN arasındadır. Burada 150-200 AZN-lik nişan və xına paketləri də mövcuddur.
Paytaxtın ən çox filial sahibi
“Face Studio”dur. Sözügedən salon 12 filialda xidmət göstərir və şəhərin ən son model lazer aparatına sahibdir. Bütün bədənin epilyasiyası endirimlə 49 AZN-dir (endirim Elmlər və Gənclik filiallarında keçərli deyil).
Red Point Beauty Studio 250-300 AZN-ə gəlinlik paketi təklif edir. “İşərişəhər” metrostansiyasının yaxınlığında yerləşən salonda saç kəsimi 30-50 AZN arası başa gəlir. Dırnaqların manikürlə şellakı isə 30 AZN-dir.
Məşhur salonlardan biri də
“Orxideya Beauty Center”dır. Bu gözəllik məkanının şəhərdə 3 filialı və 3 gəlinlik moda evi var. Ziyafət saç-makiyajı birgə edilir və qiyməti 80-120 AZN arası dəyişir. Onu da qeyd edək ki, heç bir filialda lazer epilyasiya aparatı mövcud deyil.
İki filial sahibi olan
“Saxara Salon”da saç kəsimi 30 AZN, üz daxil olmaqla lazer epilyasiyasının qiyməti isə 35 AZN-dir. Burada 150-250 AZN-lik gəlin paketinə aksesuar da daxildir.
Manikür, pedikür, qaş, makiyaj və saç düzümü daxil olmaqla 250 AZN-lik toy paketi
“Keune Studio”da mövcuddur. Burada toy makiyajının ayrılıqda qiyməti 150 AZN-dir. Həmçinin manikür şellak 25 AZN, saç kəsimi isə 20 AZN-dir.
“Affco Beauty” gözəllik salonunda xanımlarımız 20 AZN ödəyərək saç kəsimi və düzümü etdirə bilərlər. Ziyafət makiyajı isə burada 25 AZN-dən başlayır.
Köhnə Çay fabriki ilə üzbəüz yerləşən
Kaftan Beauty və Spa Mərkəzində manikür şellak 25 AZN, saç kəsimi isə 20 AZN-dir. Burada gəlinlik makiyajı və saç yığımı hər biri ayrılıqda 150 AZN-ə başa gəlir.
[gallery columns="1" size="full" ids="37719"]
