Daşkəsəndə “Alunit” İstehsalat Sahəsinin ərazisindən külli miqdarda metal tros və çəpərləri oğurlamağa cəhd edən şəxslər yaxalanıb. Bu barədə martın 15-də Report məlumat yayıb.
Qabaqcadan əlbir olaraq bir qrup şəxs halında dövlət əmlakını gizli yolla talamağa cəhd edən Daşkəsən rayon sakinləri Niyazi Məmmədov, Vüqar Alıyev, Eşqin İmamverdiyev və Elnur Əsgərov saxlanılıblar.
Məlum olub ki, həmin şəxslər mart ayının 11-də elektrikli mişar və digər alətlər vasitəsilə ərazidəki ümumi dəyəri 36 993 manat olan kanat yolunun qoruyucu çəpərlərini saxlayan 1 600 metr uzunluğundakı metal məftil və 400 metr uzunluğundakı dəmir çəpərləri oğurlamağa cəhd ediblər.
Faktla bağlı araşdırma aparılır.
