Dərman vasitələrinin qiymətlərinin yuxarı həddinin təsdiq edilməsi nəticəsində onları aşağı qiymətə almaq mümkün olacaq.
Bu, 15 sentyabr tarixində Tarif (Qiymət) Şurasının “Dövlət qeydiyyatına alınmış dərman vasitələrinin qiymətlərinin tənzimlənməsi barədə” qərarına edilən dəyişiklikdə öz əksini tapıb.
Qərara əsasən, bu günədək təsdiq edilmiş bütün dərman vasitələrinin topdan və pərakəndə satış qiymətləri yuxarı hədd olaraq tətbiq ediləcək.
Bu vaxtadək dərman vasitələri üçün vahid qiymət tətbiq olunurdu və bütün apteklər dərman vasitələrini həmin vahid qiymətə satırdı. Lakin indi həmin vahid qiymətlər yuxarı hədd olaraq təsdiq edilib. Bu, o deməkdir ki, dərmanlar təsdiq olunmuş qiymətlərdən aşağı qiymətə satıla bilər.
Tariflər bu gündən qüvvəyə minir.
