Daşkəsən rayonunun Qabaqtəpə kəndində 41 yaşlı İzzət Muradov (ad və soyad şərtidir) uşaqlarının səs-küyünə əsəbiləşərək arvadını döyüb.
Bu barədə Lent.az məlumat verir.
Qadının sözlərinə görə, ərinin aqressiyası “süfrənin təmiz olmaması” ilə bağlı mübahisədən sonra baş verib:
“Uşaqlar dərs edirdi, mən də kürədə çörək bişirirdim. O, məni saçımdan tutub yerə yıxdı, sonra da başıma təpiklə vurdu".
Zərərçəkən bildirib ki, ərinin bu davranışı uzun müddətdir davam edir, o, evdə uşaqlarının gözü qarşısında təhqir və zorakılığa məruz qalır.
Hadisə ilə bağlı İzzət Muradov barəsində İnzibati Xətalar Məcəlləsinin 157-ci maddəsi (döymə) üzrə protokol tərtib olunub.
Daşkəsən Rayon Məhkəməsinin hakimi Kənan Vəliyevin sədrliyi ilə keçirilən iclasda o, 20 gün müddətinə inzibati həbs cəzasına məhkum edilib.
Qadın bildirib ki, barışmaq niyyətində deyil və ərinin törətdiyi zorakılığa görə qanuni tədbir görülməsini tələb edir.
