Dövlət Sosial Müdafiə Fondunun gəlirləri cari ildə 5,152 milyard manat təşkil edib. Bu da ötən illə müqayisədə 403 milyon manat və ya 8,5% çoxdur. Trend xəbər verib ki, bu barədə 29 dekabr tarixində Fondun sədri Himalay Məmişov keçirilən mətbuat konfransında deyib.
Bunun 3,8 milyard manatı məcburi dövlət sosial sığorta haqları təşkil edib. 1,38 milyard manatı büdcə təşkilatları üzrə gəlirlər, 2,43 milyard manatı isə qeyri-büdcə təşkilatları üzrə gəlirlər təşkil edib. Transfert gəlirləri isə 1,3 milyard manat təşkil edib.
