Dünən, aprelin 17-də 9 illik orta təhsil səviyyəsi üzrə buraxılış imtahanı keçirilib. Bu barədə Dövlət İmtahan Mərkəzindən (DİM) məlumat verilib.
İmtahan 12 şəhər və rayonda təşkil edilib. İlkin məlumatlara əsasən, 3 nəfərdə mobil telefon aşkarlandığı üçün imtahandan xaric edilib.
Sənədləri qaydasında olmayan şagirdlər də olub: şəxsiyyət vəsiqəsini evdə unudan, vəsiqəsində şəkli olmadığı üçün məktəbdən verilən şəkilli arayışı özü ilə gətirməyən.
Dünəndən etibarən DİM-də imtahan protokollarının və cavab vərəqlərinin emalına başlanılıb. İmtahan nəticələri 3 həftə ərzində elan ediləcək.
