“ƏDV geri al” layihəsi çərçivəsində 2021-ci ilin sentyabr ayının 1-dək istehlakçılara 119,7 milyon manata yaxın vəsait qaytarılıb. Bu barədə 20 sentyabr tarixində Dövlət Vergi Xidməti öz rəsmi səhifəsində məlumat yayıb.
Cari ilin sentyabrın 1-dək portalda 1,5 milyona yaxın istifadəçi qeydiyyatdan keçib və ümumilikdə 297 milyona yaxın çek üzrə ƏDV geri qaytarılıb.
ƏDV-nin geri qaytarılması prosesi 2020-ci ilin may ayından tətbiq edilir. Qaydalara əsasən, alınmış mallara görə ödənilmiş ƏDV istehlakçının portala müraciətinin daxil edildiyi tarixdən 30 gün müddətində qaytarılır. Nağdsız qaydada ödənilən ƏDV-nin 15%-i, nağd qaydada ödənilənin isə 10%-i qaytarılır.
