Daxili İşlər Nazirliyi Baş Dövlət Yol Polisi İdarəsi Novruz bayramı ilə əlaqədar sürücü və piyadalara müraciət edib. Bu barədə martın 17-də Report xəbər paylaşıb.
Məlumata görə, DYP qeyri-iş günlərində gücləndirilmiş iş rejimində xidmət göstərəcək.
Sürücülərə yollarda diqqətli olmaq, sükan arxasına yorğun, yuxulu, dərman preparatlarının təsiri altında və ya sərxoş vəziyyətdə əyləşməmək, yola çıxmazdan əvvəl nəqliyyat vasitəsinin texniki sazlığını yoxlamaq tövsiyə edilib. Həmçinin piyadalardan yolu yalnız onlar üçün müəyyən edilmiş yerlərdən keçmək, azyaşlı uşaqları isə küçələrdə nəzarətsiz qoymamaq istənilib.
Bununla yanaşı, Texniki Müayinə Mərkəzləri bayram günlərində gücləndirilmiş iş rejimində 09:00-dan 18:00-dək fasiləsiz fəaliyyət göstərəcəklər.
