Baş Dövlət Yol Polisi İdarəsi yanvarın 8-də güclü külək ilə bağlı bütün sürücülərə müraciət edib.
“Sürücülər küləkli havada yolun kənarları qapalı olan hissəsindən və ya tunellərdən açıq əraziyə çıxarkən, həmçinin çöllükdə avtomobilin hərəkət istiqamətinin qəflətən dəyişməməlidirlər”, - deyə məlumatda bildirilib.
Bununla yanaşı sürücülərə maşınlarını tikinti işləri aparılan yerlərin, ağacların, iri həcmli reklam lövhələrinin yaxınlığında və ya atında saxlamamaq tövsiyə edilib.
Müraciətdə piyadalar da vurğulanıb: “Piyadalar inşaat işləri aparılan ərazilərin, köhnə tikililərin, hündürmərtəbəli binaların yaxınlığında hərəkət edərkən mümkün qədər təhlükəsiz yerlər seçməlidirlər”.
Qeyd edək ki, Milli Hidrometeorologiya Xidmətindən verilən məlumata görə, yanvarın 8-i səhər saatlarından 9-dək ölkədə güclü külək əsəcəyi, şərq rayonlarında havanın yağıntılı olacağı ehtimal edilir.
