“Biz qazilərimizlə qürur duyuruq, lakin bəzi davranışlarla onlar öz qazi statuslarına kölgə salmış olurlar, onlar idarə etdikləri avtomobillərin nömrələrini çıxararaq yola çıxırlar. Burada tək məqsəd var, o da ki, yol hərəkəti qaydalarını pozduqları zaman avtomobil yollarında olan videomüşahidə kameralarından, radarlardan yayınmaqdır. Bu hal yolverilməzdir”. Bunu noyabrın 10-da DYP-nin İctimai qurumlarla əlaqə şöbəsinin rəisi bildirib.
Şöbə rəisinin sözlərinə görə, həmin şəxslər saxlanıldıqları zaman “mən qaziyəm” deyə cavab verir və özlərinə haqq qazandırmağa çalışırlar.
Hər kəs bilməlidir ki, yol hərəkəti qaydalarının pozulması digər hərəkət iştirakçılarının həyatı üçün təhlükə yarada və qəzaya gətirib çıxara bilər.
