Dünən, martın 25-də şahmat üzrə FİDE Qran-prisinin 3-cü mərhələsinin 4-cü turunun oyunları keçirilib.
Şəhriyar Məmmədyarov ağ fiqurlarla Vinsent Keymerə qalib gələrək turnirdə ilk qələbəsini qazanıb. Qrupun digər oyununda Daniil Dubovla Lenyer Dominqes heç-heçə oynayıb. Beləliklə, 4 turdan sonra 2,5 xal yığan Məmmədyarov və Dominqes qrupda 1-2-ci yerləri bölüşdürürlər. Vinsent Keymer 2 xalla 3-cü, Daniil Dubov isə 1 xalla turnir cədvəlində sonuncu yerdə qərarlaşıb.
Bu gün turnirdə istirahət günüdür. Qeyd edək ki, FIDE Qran-prisinin 3-cü mərhələsinə aprelin 4-də yekun vurulacaq.
