Bu gündən, fevralın 1-dən “Fərqlənmə nişanı”nın verilməsi üçün onlayn xidmət fəaliyyətə başlayır. Bu haqda Rəqəmsal İnkişaf və Nəqliyyat Nazirliyinin saytında məlumat verilib.
Bu addımın atılmasında məqsəd sürücülərin rahatlığının təmin edilməsi, fiziki təmasların minimuma endirilməsi və sui-istifadə hallarının qarşısının alınmasıdır.
“Fərqlənmə nişanı”nın verilməsi üçün tələb olunan sənədlərin sayı minimuma endirilib və sənədlərin surətinin müraciətə əlavə edilməsi imkanı yaradılıb.
Həmçinin sürücülərin verginin, məcburi dövlət sosial sığorta haqqının və icbari tibbi sığorta haqqının onlayn ödəməsini təmin etmək üçün sistem Mərkəzi Bankın Hökumət Ödəniş Portalı ilə əlaqələndirilib.
Elektron xidmətdən istifadə etmək üçün Dövlət Avtomobil Nəqliyyatı Xidmətinin saytına keçid etmək olar.
