“Hazırda Qazaxıstan xəstəxanalarında 27 nəfər zərərçəkmiş şəxs var. Onlardan ikisi uşaq olduğuna görə uşaq xəstəxanasına yerləşdirilib”.
Bakuplus.az xəbər verir ki, bunu Fövqəladə Hallar Nazirliyinin mayoru Nigar Pənahova söyləyib.
O bildirib ki, 11 nəfər reanimasiya şöbəsindədir: “Onlardan 3 nəfərinin vəziyyəti ağır qiymətləndirilir. Digər zərərçəkənlərin vəziyyəti orta, yüngül, orta-ağır qiymətləndirilir. Bəzi vətəndaşlarımız yüngül xəsarətlər alıblar. Onlar yaxın saatlarda təxliyə ediləcəklər”.
