Xaçmazda qəsdən yanğın törədən şəxs müəyyən edilib. Bu barədə 31 iyul tarixində Fövqəladə Hallar Nazirliyinin Mətbuat xidməti məlumat yayıb.
İyulun 24-də rayonun Aslanoba kəndi ərazisində yanğın baş verməsi və ətraf üçün təhlükənin yaranması haqqında nazirliyin “112” qaynar telefon xəttinə məlumat daxil olub.
Yanğın genişlənməsinə və yaxınlıqdakı meşə zolağı və yüksəkgərginlikli hava elektrik xətlərinə keçməsinə imkan verilmədən, qısa müddətdə söndürülüb.
Araşdırma zamanı hadisənin qəsdən Şahbaba Toryayev tərəfindən törədildiyi məlum olub və vətəndaş törətdiyi əməli etiraf edib.
Faktla bağlı toplanılmış materiallar hüquqi qiymət verilməsi üçün aidiyyəti üzrə göndərilib.
[gallery link="file" size="full" ids="123752,123751,123750"]
