Dekabrın 13-dən 7 dövlət orqanına qəbul üzrə ümumi müsahibələrə başlanacaq. Müsahibələrin 2022-ci il yanvarın 6-dək keçirilməsi planlaşdırılır. Bu haqda Dövlət İmtahan Mərkəzi məlumat yayıb.
Elana çıxarılan vəzifələr üzrə qeydiyyatdan keçmiş 159 namizəddən 135-i müsahibədə iştirak edəcək. Müsahibəyə qatılmayan şəxslərə həmin vakant vəzifə üzrə yeni müsahibənin təşkili yalnız müvafiq təsdiqedici sənəd nəzərə alınmaqla həyata keçirilə bilər.
Namizədlərdən müsahibənin başlanma vaxtından ən azı yarım saat əvvəl binaya yaxınlaşmaları xahiş olunur. İştirakçılar daha ətraflı məlumatı buradan əldə edə bilərlər.
