Aprelin 5-də Kiçik və Orta Biznesin İnkişafı Agentliyinin nümayəndələri dövlət dəstəyi ilə yaradılmış “Caspian Textile” müəssisəsində istehsal prosesi ilə tanış olub. Bu barədə KOBİA-nın rəsmi səhifəsində məlumat verilib.
Məlumat verilib ki, hazırda müəssisə tərəfindən müxtəlif uniformalar, məktəbli, işçi, hərbi və s. geyimlər istehsal edilir, işçi dəbilqələri, əlcəklər, ayaqqabılar və respiratorlar satışa çıxarılır. Son bir ildə müəssisədə aylıq istehsal gücü 15 min ədəd geyimə çatdırılıb. Yeni tekstil məhsullarının istehsalı və müəssisənin istehsal gücünün aylıq 30 min ədəd geyimə çatdırılması istiqamətində müvafiq işlər görülür.
Qeyd edək ki, Qaradağ rayonunda yerləşən müəssisədə 60-a yaxın işçi çalışır.
