"Google" istifadəçiləri 2024-cü ildə ən çox hansı məlumatları axtarıblar?
2024-cü ildə istifadəçilər "Google" axtarış sistemində ən çox ABŞ-nin yeni seçilmiş Prezidenti Donald Tramp və Uels şahzadəsi Keyt Middlton haqqında məlumat axtarıblar.
Oxu.Az-ın xəbərinə görə, bu barədə şirkətin dərc etdiyi hesabatda məlumat verilib.
Ən çox maraq doğuran hadisə ABŞ-də noyabr ayında keçirilən prezident seçkisi olub. İstifadəçilər eyni zamanda təbii fəlakətlər, xüsusilə ABŞ-də baş verən "Milton" qasırğası və Yaponiyada meydana gələn tayfun haqqında məlumatları tez-tez axtarıblar. Üçüncü yerdə isə Parisdə keçirilən Yay Olimpiya Oyunları ilə bağlı axtarışlar qərarlaşıb. Bununla yanaşı, Ukrayna münaqişəsi ilin ən populyar 10 axtarış mövzusuna daxil olmayıb.
"Google"un məlumatına əsasən, filmlər arasında ən çox maraq "Disney" və "Pixar" studiyalarının "Inside Out-2" ("Duyğular Tapmacası 2") cizgi filminə yönəlib. İlk beşliyə, həmçinin "Deadpool and Wolverine" ("Dedpul və Rosomaxa"), "Saltburn" ("Soltbern"), "Beetlejuice Beetlejuice" ("Bitlcus Bitlcus") və "Dune: Part Two" ("Dyuna: İkinci hissə") filmləri daxil olub.
