Bugün, dekabrın 1-də “Sərhədçi” İdman Kompleksində hərbi helikopter qəzasında şəhid olan hərbçilərlə vida mərasimi keçirilib.
Qəza nəticəsində həlak olan hərbçilər II Şəhidlər xiyabanında dəfn olunacaq.
Noyabrın 30-da DSX-nın Mi-17 tipli hərbi helikopteri Xızı rayonunda qəzaya uğrayıb. Nəticədə 14 nəfər həlak olub, 2 nəfər isə yaralanıb. Hadisə rayonun “Qaraheybət” aviasiya poliqonunda təlim uçuşları yerinə yetirərkən baş verib.
DSX-nın rəisi Elçin Quliyev bildirib ki, qəzanın səbəbi hələ ki, məlum deyil. Hazırda mütəxəssislər səbəbi öyrənmək üçün “qara qutu” ilə işləyirlər. “Hadisənin baş verməsinə hansısa kənar təsirdən söhbət gedə bilməz”, - deyə DSX rəisi əlavə edib.
[playlist type="video" ids="14568"]
