Hacıqabulda qanunsuz ovla məşğul olan Göyçay sakinləri saxlanılıb. Bu barədə dekabrın 16-da DİN məlumat yayıb.
Rayonun Muğan qəsəbəsində icazələri olmadan qanunsuz ov edən üç nəfər saxlanılıb. Onlardan 2 ədəd ov silahı, 3 ədəd patron, 2 ədəd patron qatarı, ov üçün müxtəlif vasitələr və qanunsuz ovlanmış 8 ədəd dovşan aşkarlanaraq götürülüb.
Cinayət Məcəlləsinin “Qanunsuz ov etmə” maddəsinə əsasən, lazımi icazə olmadan və ya qadağan edilmiş yerlərdə və ya vaxtda, qadağan edilmiş alət və üsullarla ov edən şəxslər 2 000 manatdan 3 000 manatadək miqdarda cərimə və ya 240 saatdan 320 saatadək ictimai işlər və ya bir ilədək müddətə islah işləri və ya bir ilədək müddətə azadlığın məhdudlaşdırılması ilə cəzalandırılırlar.
