Oğuzda həmkəndlisini borca görə öldürüb meşədə basdıran şəxs saxlanılıb. Bu barədə 14 sentyabr tarixində Report xəbər verib.
Hadisə rayonun Mollalı kəndinə yaxın meşəlik ərazidə baş verib.
33 yaşlı kənd sakini Toğrul Kərimov həmkəndlisi olan 31 yaşlı Pərvin Məmmədovu borcu olduğu üçün 3 gün əvvəl meşəlik əraziyə tüfənglə öldürmək məqsədilə aparıb. Apardığı ərazidə onu öldürüb basdırmaq məqsədilə qabaqcadan qəbir yeri qazıb.
Bu zaman düşən əlbəyaxa dava nəticəsində tüfəngdən qəfil açılan atəş Toğrul Kərimovun qarın boşluğuna dəyib. O, hadisə yerində vəfat edib. Pərvin Məmmədov həmin yerdə qazılmış qəbirdə həmkəndlisi Toğrul Kərimovu basdırıb və hadisəni gizlədib.
Hadisəni törətməkdə şübhəli bilinən Pərvin Məmmədov artıq saxlanılıb.
Faktla bağlı cinayət işi açılıb.
