Dövlət İmtahan Mərkəzi (DİM) ali məktəblərə qəbul imtahanlarının nəticələrini açıqlayıb. Ali məktəblərə ixtisas seçiminin nəticələri açıqlanandan sonra hansı ixtisas qrupunda nə qədər boş yerin qaldığı müəyyənləşib. Bununla bağlı 31 avqust tarixində Moder.az məlumat verib.
Müsabiqədə iştirak edən 70 301 nəfərdən 51 941 nəfəri tələbə adını qazanıb.
Belə ki, universitetlərdə:
I ixtisas qrupu üzrə 1 753 yer;
II ixtisas qrupu üzrə 357 yer;
III ixtisas qrupu üzrə 1174 yer;
IV ixtisas qrupu üzrə 234 yer;
V ixtisas qrupu üzrə 383 yer boş qalıb.
Ali təhsil müəssisələrinin boş qalan (vakant) plan yerlərinin siyahısı həftə sonunadək “Abituriyent” jurnalının 7-ci sayında dərc olunacaq.
DİM bildirib ki, boş qalan yerlərə ixtisas seçimi sentyabrın 4-dən 9-dək internet vasitəsilə aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı, orta ixtisas təhsili müəssisələrinin (kolleclərin) ixtisaslarının da kodlarını göstərə bilərlər.
