Harry Potter filmlərindəki "Godric Gryffindor" qılıncının versiyaları Yaponiyada qanun pozuntusuna görə geri çağırılıb.
İnsanoid.com xəbər verir ki, uzunluğu 86 sm və kəsici olan bu qılınclar 2023-cü ilin may ayından aprel ayına qədər "Warner Bros. Studio Japan LLC" tərəfindən satılmışdı.
Yaponiya hökumətinin müvafiq qurumları noyabr ayında qılıncların kəsici xüsusiyyətlərini nəzərə alaraq onların qanuni olaraq qılınc kimi təsnif edildiyini açıqlayıb. Bu səbəbdən, 350-dən çox satılmış qılınc geri çağırılıb.
Warner Bros. bu qərardan sonra məhsulların geri çağırılması barədə qərarını elan edib. Şikrət bununla yanaşı alıcılara məhsulu geri qaytarma və dəyişdirmə ilə bağlı tədbirlər üçün müraciət etməyi tövsiyə edib.
Yaponiyanın qanunlarına görə, ölçüsü 6 sm-dən uzun bıçaqların daşınması ciddi qadağandır və bu cür qanun pozuntularına görə iki ilə qədər həbs cəzası verilə bilər.
