Helikopter qəzasında heç bir nasazlıq, şübhəli məqam yox idi. Bu barədə dekabrın 1-də “RealTv”yə helikopterdə olan və qəzadan sağ çıxan hərbçilər polkovnik-leytenant Emil Cəfərov Məmməd oğlu və kapitan Ədilov Ramin Ramiz oğlu deyib.
Polkovnik-leytenant Emil Cəfərov qeyd edib ki, 30 noyabr 2021-ci ildə praktiki atışlı təlim uçuşları olmalı idi. Səngəçal aerodromundan qalxıb Qaraheybət istiqamətinə gedilməli idi.
“İstiqamət üzrə getdik. Meydançaya eniş manevri etdikdən sonra qəza baş verdi. Sərnişin kabinetində olduğum üçün tam təfərrüatları ilə xatırlamıram. Heç bir nasazlıq, şübhəli məqam yox idi”, - deyə o bildirib.
Səhhəti ilə bağlı danışan polkovnik-leytenant ayağında əzilmə, sol qolun bazu sümüyünün üst yuxarı hissəsində isə sınıq olduğunu qeyd etdi.
Kapitan Ədilov Ramin Ramiz oğlu da, həmçinin helikopterdə eniş zamanı idarəetmənin itirildiyini və qəzanın bir anda baş verdiyini bildirdi.
Video: Facebook REAL TV
